नेत्रविक्रम चन्द ‘विप्लव’ नेतृत्वको नेकपा माओवादीले भरतपुरमा ग्यास सिलिण्डर विस्फोट गराएको छ ।

घटना स्थलमा नेकपा माओवादीबाट सरकारलाई लिखित रुपमा बुझाएका मागहरु लेखेको पर्चा र ग्यास सिलिण्डरको टुक्राहरु जलेको अवस्थामा फेला परेको जिल्ला प्रहरी कार्यालय चितवनका प्रवक्ता श्रीराम भण्डारीले जानकारी दिए ।

ग्यास सिलिण्डर विस्फोटबाट अन्य भौतिक तथा मानवीय क्षति नभएको उनले बताए । घटनाको विषयमा थप अनुसन्धान भइरहेको प्रहरीले जनाएको छ ।

घटनास्थलमा फेला परेको पर्चामा नेकपाले सरकारलाई बुझाएका ३३ बुँदे मागहरु उल्लेख गरिएको छ ।