काठमाडौं । चितवनको जलविरे झरनाबाट गत आर्थिक वर्षमा २८ लाख रुपैयाँ राजस्व सङ्कलन भएको छ ।

चितवनको इच्छाकामना गाउँपालिका–६ जलविरेमा रहेको झरनाबाट गाउँपालिकाले आर्थिक वर्ष २०७९/८० मा २८ लाख ३५ हजार रुपैयाँ राजस्व सङ्कलन गरेको हो ।

नारायणगढ–मुग्लिन सडकअन्तर्गत पर्ने जलविरेमा झरनाका साथै क्यानोनिङ (छाँगावरोहण) र क्लाइम्बिङ, स्विमिङ, स्लाइडिङ, जम्पिङ र हाइकिङ गर्न आन्तरिक तथा बाह्य पर्यटक समेत आउने गरेका छन् ।

दैनिक एक सयदेखि डेढ सयसम्म पर्यटक आउने गरेको जलविरे झरना पर्यटन विकास समितिले जनाएको छ ।